हमर वायदा अऊ संकलप पाती देसी शासनतंत्र के निरमान के कीरीया सहित रोजी-रोजगार घोषणा
1. राज्य सरकार / छत्तीसगढ़ में स्थापित केंद्र सरकार के हरेक विभाग / सार्वजनिक उपक्रम (पीएसयू) प्राईवेट फैक्टरी व्यापारिक संस्थान मन म 100% छत्तीसगढ़िया मन ल रोजगार देवाबो।
2. स्थानीय भरती अधिनियम के निर्माण करबो ।
3. भारी उद्योग/ छोटे उद्योग व्यापारिक प्रतिष्ठान खोले अऊ ओमन में ठेकेदारी, माल आपूर्ति ट्रासपोर्टिंग करे खातिर स्थानीय छत्तीसगढ़िया मन ल प्राथमिकता देवाबो ।
4. कोनो भी नवा फैक्टरी / उद्योग मन ल केवल निर्धारित औद्योगिक क्षेत्र में ही खोले के अनुमति देखो कृषि जमीन/ जंगल / भाठा/ परिया / चारागाह / दईहान / जल स्रोत मन में उद्योग नई खुलन देवन।
5. निजी उद्योग मन म होवत शोषण ल बंद करबो कामगार मन ल श्रम कानून के अनुसार संरक्षित करबो, 12 घंटा के बजाय 8 घंटा के ड्यूटी में फुल वेतन, सुरक्षा उपकरण/ नियम कड़ाई ले पालन कराबो दुर्घटना होय के स्थिति म न्यूनतम 50 लाख तक मुआवजा जरूर देवाबो।
6. छत्तीसगढ़ में कार्यरत खनन कंपनी जईसे एसईसीएल / एनएमडीसी मन के हेड ऑफिस अऊ भरती कार्यालय ल छत्तीसगढ़ म लानबो।
7. दुर्घटना बीमारी / महामारी मन म कामगार मृतक के आश्रित ल हर हाल में एक महीना के भीतर अनुकंपा नियुक्ति जरुर देवाबो ।
8. आश्रित के नाबालिग होय के स्थिति में ओकर बालिंग होय के तुरंत बाद नियुक्ति करबो अऊ तब तक परिवार के जीवन निर्वाह वर डीए बेसिक / एक निश्चित राशि हर महीना देवावो ।
9. सरकारी कार्यालय मन म प्लेसमेंट कंपनी / आऊटसोर्सिग प्रथा ल बंद करके नियमित नियुक्ति करबो ।
10. कर्मचारी बीमा ईएसआईसी अऊ प्राविडेंट फंड मन ल सख्ती ले लागू करबो ।
11. कर्मचारी संख्या 500 ले उपर वाले संस्थान मन म कार्यस्थल में ही स्वयं के सुविधायुक्त अस्पताल अऊ चिकित्सक के उपलब्धता नियम अनिवार्य कराबो ।
12. जिला रोजगार कार्यालय में पंजीयन वरिष्ठता द्वारा निजी अऊ सरकारी नौकरी मन में भरती के जुन्ना प्रक्रिया ल फेर से जिंदा करबो ।
13. छत्तीसगढ़ ल अंतरराष्ट्रीय आईटी हब अऊ एजुकेशनल हब बनाबो ।
14. हरेक संविदा अऊ दैनिक वेतनभोगी मन ल इंटरनल रीकूटमेंट के द्वारा परमानेंट करबो विभाग के खाली पद मन ल अलग से विज्ञापन न निकाल के उहे के संविदा कर्मी ले भरबो।
वन-संपदा
15. वन क्षेत्र के बड़े परियोजना ले विस्थापित मूल निवासी मन ल तुरते नियाव देवाबो ।
16. कोनो भी मुठभेड़ अगर अदालत में फरजी साबित हो जथे त मृतक परिवार ल एक करोड़ रुपया मुआवजा देबो जेल म फरजी तरीका ले बंद राखे गये पीड़ीत मन के पुनर्व्यवस्थापन करके पचास हजार मुआवजा देबो
17. छत्तीसगढ़ के बाढ़े तापमान अऊ हाथी समस्या ल जंगल मन के पुनर्जीवन अऊ सघन वृक्षारोपण द्वारा कमती करबो।
18 . जोहार छत्तीसगढ़ पार्टी हर जिला म अपन वकील राखही जौन मन गरीब मन ल उचित विधिक सहायता दीही।
19. किसान मन ल उंकर निजी खेत/ मेढ़/भाठा मन म सघन वृक्षारोपण करे बर प्रोत्साहन राशि देके प्रेरित करो ताकि बेंदरा मन घर बारी म झन खुसरं ।
20. जल-जंगल-जमीन के संरक्षक स्वतंत्र न्यायिक संस्था राष्ट्रीय हरित आयोग (NGT) ल पहिली असन मजबूत करवा के ओकर क्षेत्रीय कार्यालय ल छत्तीसगढ़ लानबो ।
खेती-किसानी
21. धान के दोनों फसल समर्थन मूल्य बढ़ा के 3200 करबो ।
22. लैंड बैंक के निरमान करबो परिवार ल आर्थिक सुरक्षा के गारंटी देवाबो ।
23. रबी फसल अऊ 100% वनोपज ल घला समर्थन मूल्य में बिसाबो।
24. गांव / कस्बा / शहर के पशुधन ल चराय बर अऊ आवारा किंजरे से बचाय बर, फसल ल सुरक्षित राखे बर सरकार द्वारा वेतन देके चरवाहा मन के नियुक्ति करे जाही।
25. छत्तीसगढ़ के प्राचीन सहकारी ग्रामीण व्यवस्था “पौनी-पसारी” अऊ धान बैंक “रामकोटी” के प्रणाली रिसर्च सहित पुनर्जीवित करो।
26. जहर मुक्त अनाज अभय मुक्त खेतीहर समाज के अवधारणा ल लेके चलबो ।
27. नकली कीटनाशक, नकली खातू बीजा के कारोबारी मन ल कड़ा ले कड़ा सजा देवाबो कृषि दवाई के सप्लाई एजेंसी मन केवल सरकारी होही मूलभूत आवश्यक दवाई के कीमत सरकारी नियंत्रण राख के दवा स्टाक सरकारी केंद्र में उपलब्ध कराबो।
28. छत्तीसगढ़ के खदान ले निकाले कच्चा माल से बने उत्पाद जईसे सीमेंट/सरिया/रेती मन के कीमत म] छत्तीसगढ़ीया मन देहे के प्रावधान बनावो ।
29. मल्टीलेवर सिंचाई व्यवस्था के विस्तार/विकास करके तीन फसलीय नगदी उपज के द्वारा किसानी ल आर्थिक रूप से मजबूत करबो।
30. गोबर खरीदी के बजाय छेना खरीदी करबो दाह संस्कार में लकड़ी प्रतिबंधित करके शहरी क्षेत्र में पुरातन छत्तीसगढ़िया पद्धति 365 छेना अनुपयोगी फाटा/बईला गाड़ी के चक्का के आरा पूठी के द्वारा करे के नियम बनाबो ।
इलाज-पानी अऊ अस्पताल
31. राज्य के हरेक सरकारी अस्पताल मन ल ऐम्स के मॉडल अपना के अपग्रेड करबो ।
32. निजी हो या शासकीय चिकित्सा सेवा ल दुर्घटनाग्रस्त अऊ महामारी ग्रसित मरीज मन बर पूर्णतया निशुल्क करवाबो।
33. हर पंद्रह किलोमीटर के बीच “गुड़ी अस्पताल’ बनाबो जेमा पैथालॉजी लैब अऊ डायग्रोस्टिक सेंटर बनही खून पेशाब जांच एक्सरे, सोनोग्राफी आदि के सुविधा रही।
34. स्वास्थ्य बजट दोगुना कर देबो।
शिक्षा-स्कूल व्यवस्था
35. जुना शिक्षा पद्धति में आज के हिसाब से सुधार करके पुनः लागू करो। हर कक्षा में परीक्षा लिये जाही।
30. सीजी बोर्ड ल सीबीएसई बोर्ड ले बेहतर बनाबो ।
37. शिक्षा बजट ल दोगुना करबो
58. हर दिन खेल के पीरियड सुनिश्चित करके खेल बजट बढ़ा कॉमनवेल्थ/एशियाड / ओलंपिक के पदक तालिका में छत्तीसगढ़िया खिलाड़ी के नाम दर्ज विविध महत्वपूर्ण घोषणा कराबो।
39. नशामुक्त छत्तीसगढ़ के निरमान करबो
40. भ्रष्टाचार मुक्त छत्तीसगढ़ के निर्माण कराबो।
41. दस हजार करोड़ के संपूर्ण शासकीय निर्माण विभाग के ठेका पद्धति ल रोजगार पद्धति में तब्दील करबो ।
42. चिटफंड कंपनी धोखाधड़ी में फंसे लाखों छत्तीसगढ़िया निवेशक अऊ अभिकर्ता मन ल ए दारी सिरतोन के नियाय देवाबो। 43. छत्तीसगढ़ में संचालित दूरदर्शन अऊ आकाशवाणी केंद्र मन ल विकसित करके कार्यक्रम मन म, छत्तीसगढ़ियापन के मिठास लानबो, हरेक छत्तीसगढ़िया कलाकार मन ल हर हाल में प्लेटफार्म देवाबो।
44. ईको टूरिज्म अऊ होमस्टे के द्वारा हमर हजारों बरिस पहिली के ऐतिहासिक स्थल मन ल दुनिया ल देखा के प्रचार प्रसार में खर्च करके राज्य के राजस्थल कई गुना बढ़ाय के उदीम करबो।
45. छत्तीसगढ़ी भाषा ला संविधान के आठवीं अनुसूची में शामिल कराबो हमर महतारी भाखा के मान बढ़ाबो ।
भाषा संस्कृति अऊ छतीसगढ़ियापन
1. छत्तीसगढ़ी भाषा ल लड़-झगड़ के संविधान के आठवीं अनुसूची में शामिल कराबो।
2 . छत्तीसगढ़ में संचालित दूरदर्शन अऊ आकाशवाणी केंद्र मन ल विकसित करके कार्यक्रम मन में छत्तीसगढ़ियापन के मिठास लानबो हरेक छत्तीसगढ़िया कलाकार मन ल हर हाल में प्लेटफार्म देवाबो |
3. छत्तीसगढ़ में हमर भूईया के मूल संस्कृति, तीज-तिहार, खान-पान, वेषभूषा हमर आत्मा आय एला सबसे ऊँचा स्थान देवाबो ।
